18

കു​ന്നം​കു​ളം: പാ​ർ​ട്ടി യോ​ഗ​ത്തി​ന് എ​ത്താ​ത്ത​തി​ന്‍റെ പേ​രി​ൽ സി​പി​എം ലോ​ക്ക​ൽ ക​മ്മി​റ്റി സെ​ക്ര​ട്ട​റി അ​ധി​ക്ഷേ​പി​ക്കു​ക​യും ഭീ​ഷ​ണി​പ്പെ​ടു​ത്തു​ക​യും ചെ​യ്ത​തി​ൽ പ്ര​തി​ഷേ​ധി​ച്ച് കാ​ൻ​സ​ർ അ​തി​ജീ​വി​ത ജോ​ലി രാ​ജി​വ​ച്ചു.

കു​ന്നം​കു​ളം ന​ഗ​ര​സ​ഭ​യി​ലെ എ​സ്‌​സി പ്ര​മോ​ട്ട​ർ സ്വാ​തി സോ​മ​ൻ ആ​ണ് ജോ​ലി രാ​ജി​വ​ച്ച​ത്. ശാ​രീ​രി​ക​മാ​യി ഏ​റെ അ​വ​ശ​ത​ക​ൾ അ​നു​ഭ​വി​ക്കു​ന്ന ത​ന്നോ​ട് കു​ന്നം​കു​ളം ഈ​സ്റ്റ് ലോ​ക്ക​ൽ സെ​ക്ര​ട്ട​റി കാ​ണി​ച്ച ക്രൂ​ര​മാ​യ സ​മീ​പ​ന​മാ​ണ് രാ​ജി​വ​യ്ക്കാ​ൻ പ്രേ​രി​പ്പി​ച്ച​തെ​ന്ന് സ്വാ​തി പ​റ​ഞ്ഞു.

ഒ​രു പാ​ർ​ട്ടി​ക്കാ​രി എ​ന്ന​തി​ലു​പ​രി താ​ൻ ഒ​രു മ​നു​ഷ്യ​നാ​ണ്. പ​ട്ടി​ണി കി​ട​ന്നും ആ​ട്ടും തു​പ്പും സ​ഹി​ച്ചും വേ​ദ​ന​ക​ൾ അ​നു​ഭ​വി​ച്ചു​മാ​ണ് താ​ൻ ഇ​ന്ന് ഈ ​നി​ല​യി​ലെ​ത്തി​യ​ത്. ആ​രു​ടെ​യും ആ​ജ്ഞ​യ്ക്ക് അ​നു​സ​രി​ച്ച് നി​ൽ​ക്കാ​ൻ ത​നി​ക്ക് ക​ഴി​യി​ല്ലെ​ന്ന് സ്വാ​തി ഫേ​സ്ബു​ക്കി​ലൂ​ടെ പ്ര​തി​ക​രി​ച്ചു.

മാ​ർ​ച്ച് ഒ​ൻ​പ​തി​ന് കു​ന്നം​കു​ളം ഈ​സ്റ്റ് എ​ൽ​സി സെ​ക്ര​ട്ട​റി ക​മ്മി​റ്റി​ക്ക് വ​രാ​ത്ത​തി​നെ ചൊ​ല്ലി സ്വാ​തി​യെ ഫോ​ണി​ലൂ​ടെ അ​ധി​ക്ഷേ​പി​ച്ച​താ​യാ​ണ് ആ​രോ​പ​ണം. നീ ​ചീ​ഞ്ഞ മു​ട്ട​യു​ടെ സ്വ​ഭാ​വം ത​ന്‍റെ അ​ടു​ത്ത് കാ​ണി​ക്ക​രു​തെ​ന്നാ​യി​രു​ന്നു സെ​ക്ര​ട്ട​റി​യു​ടെ ആ​ദ്യ അ​ധി​ക്ഷേ​പം.

തു​ട​ർ​ന്ന് നി​ന​ക്ക് അ​സു​ഖ​മോ അ​ച്ഛ​ന്‍റെ രോ​ഗ​മോ ഒ​ന്നു​മ​ല്ല പ്ര​ശ്നം അ​ത് വേ​റെ എ​ന്തോ ആ​ണെ​ന്നും, ജോ​ലി ന​ൽ​കി​യ​ത് പാ​ർ​ട്ടി​യാ​ണെ​ന്നും അ​തി​നാ​ൽ രാ​ജി​വ​ച്ചു​പോ​ക​ണ​മെ​ന്നും ആ​വ​ശ്യ​പ്പെ​ട്ടു. ഇ​തേ തു​ട​ർ​ന്ന് മാ​ർ​ച്ച് 10ന് ​സ്വാ​തി ജോ​ലി രാ​ജി​വ​യ്ക്കു​ക​യാ​യി​രു​ന്നു.